2026 оны аравдугаар сарын 19-нөөс 23-ны хооронд Монгол орны ихэнх нутгаар цас орж, хүйтрэх төлөвтэй байна. Тодруулбал, 19-ний өдрөөс эхлэн баруун болон төвийн аймгуудын зарим сумдад нойтон цас орж, явган шуурга шуурах юм. Цаашлаад 20-22-ны өдрүүдэд зүүн болон баруун бүсийн нутгаар хур тунадас үргэлжлэн орох төлөв ажиглагдаж байна. Салхины хурд 19-22-ны өдрүүдэд говь, тал хээрийн бүс болон Алтайн уулархаг нутгаар секундэд 15-17 метр хүрч ширүүсэх тул иргэд анхаарал болгоомжтой байхыг зөвлөж байна. Агаарын температурын хувьд Дархадын хотгор болон Завхан зэрэг нутгуудад шөнийн цагаар хүйтэн байх төлөвтэй байна.
Source : iKon.mn
