Монголын технологийн UBCab компани нь Google Maps Platform-ийн шийдлүүдийг ашиглан зорчигч авах хугацааг 25 хувиар бууруулсан амжилтаа Google-ийн албан ёсны блогт онцлуулжээ. Улаанбаатар хотын замын хөдөлгөөний ачаалал, хаягжилтын онцлог болон өвлийн улирлын эрс тэс уур амьсгалыг харгалзан үзэж, Google-ийн навигацийн технологийг өөрийн жолооч хуваарилалтын системтэй амжилттай нэгтгэсэн байна. Энэхүү хамтын ажиллагааны үр дүнд -40 хэм хүртэл хүйтэрдэг хүнд нөхцөлд ч зорчигчдыг цаг алдалгүй хүргэх боломж бүрдэж, үйлчилгээний чанар сайжирчээ. Google Maps-ийн дэвшилтэт тооцоолол нь хотын замын хөдөлгөөний бодит мэдээллийг ашиглан жолооч нарын ажлыг оновчтой болгож, зорчигчдын хүлээх хугацааг багасгахад гол нөлөө үзүүлсэн байна.
Source : iKon.mn
Photo : iKon.mn
