1970 онд Иорданд болсон зэвсэгт мөргөлдөөний дараа үүссэн Хар есдүгээр сар бүлэглэл нь 1971 оноос хойш олон улсад террорист ажиллагаа явуулж эхэлсэн юм. Тэд 1972 оны тавдугаар сард Сабена онгоцыг барьцаалсан боловч Израилийн тусгай хүчин амжилттай ажиллагаа явуулж барьцааны хүмүүсийг чөлөөлжээ. Үүний дараа тус бүлэглэл олон улсын анхаарлыг татах шинэ байг эрэлхийлэх болсон байна. Тухайн үед Германы тал Мюнхений олимпыг нээлттэй, энх тайванч байдлаар зохион байгуулахыг зорьж байсан тул олимпын тосгоны хамгаалалтыг сулруулсан байв. Израилийн тал аюулгүй байдлын талаар санаа зовниж байсан ч зохион байгуулагчид баталгаа өгсөн байна. Хэдийгээр Ойрхи Дорнодоос халдлага гарч болзошгүй тухай анхааруулга ирж байсан ч харамсалтай үйл явдал болохоос сэргийлж чадаагүй юм.
Source : Caak.mn
Photo : Caak.mn
