Байгаль орчин, уур амьсгалын өөрчлөлтийн сайд Ц.Сандаг-Очир наймдугаар сард Улаанбаатар хотноо болсон COP17 хурлын үр дүнгийн талаар мэдээлэл өглөө. Тус хурлын хүрээнд Монгол Улс ногоон төсөл хөтөлбөрүүдийг хэрэгжүүлэх зорилгоор 1.4 тэрбум ам.доллар буюу таван их наяд төгрөгийн хөрөнгө оруулалтын амлалт авчээ. Энэхүү санхүүжилт нь нийслэлийн агаарын бохирдлыг бууруулах, сэргээгдэх эрчим хүчний эх үүсвэрийг нэмэгдүүлэх, ногоон байгууламжийг өргөжүүлэх зэрэг 400 сая ам.долларын хамтын ажиллагааны төслүүдийг багтааж байна. Эдгээр хөрөнгө оруулалтын боломжууд нь Монгол Улсын байгаль орчныг хамгаалах, тогтвортой хөгжлийг дэмжих чиглэлээр хийгдэж буй томоохон алхам болж байгааг албаныхан онцоллоо.
Source : iKon.mn
