Монголын Үйлдвэрчний Эвлэлийн Холбооноос 2027 оны улсын төсөвтэй холбоотой асуудлаар мэдээлэл хийлээ. Хөдөлмөр, нийгмийн түншлэлийн гурван талт үндэсний хорооноос хөдөлмөрийн хөлсний доод хэмжээг 2026 оны наймдугаар сард 1,000,000 төгрөг болгон нэмэгдүүлэх шийдвэр гаргасан билээ. Уг шинэчлэгдсэн хэмжээг 2027 оны нэгдүгээр сарын 1-нээс эхлэн мөрдөхөөр заасан ч ирэх оны төсвийн төсөлд цалингийн зардлыг хуучин түвшинд буюу 792,000 төгрөгөөр тооцсон хэвээр байгааг МҮЭХ-ны ерөнхийлөгч Э.Тамир шүүмжилсэн юм. Тэрээр хөдөлмөрийн хөлсний доод хэмжээг эдийн засгийн гол үзүүлэлтүүдийг харгалзан тогтоодог хуультайг онцлоод, төсөвт энэхүү өөрчлөлтийг тусгах шаардлагатайг санууллаа.
Source : iKon.mn
