2001 оны есдүгээр сарын 11-нд Нью-Йорк хотод болсон халдлагын үеэр Британийн гэрэл зурагчин Фил Пенман үйл явдлыг газар дээрээс нь сурвалжилжээ. Тухайн үед дөнгөж хорь гаруй настай байсан тэрээр мэдээг сонсмогц Уолл-Стрит рүү дугуйгаар яаран очиж, шатаж буй Дэлхийн худалдааны төвийн зургийг авч эхэлсэн байна. Цамхаг нурах үед амиа алдахаас арайхийн зайлсхийсэн тэрээр гал сөнөөгчдийн анхааруулгын дагуу ойролцоох хөгжмийн дэлгүүрт хоргодож чаджээ. Удалгүй гудамж талбайг бүхэлд нь тоос шороо, нуранги бүрхсэн бөгөөд Пенман энэ үеэр тоос шороонд дарагдсан хүмүүсийн дүр төрхийг буулгаж авсан байна. Тэрээр хожим нь тухайн өдөр амьд үлдсэндээ азтай байснаа дурсан ярьжээ.
Source : Caak.mn
Photo : Caak.mn
